عابر سبيل

<!--[if gte vml 1]> <![endif]--><!--[if !vml]--><!--[endif]-->أنا نبتة في حضن النيل

رواني بالهنا كله ..

وعشت العمر اقول مواويل

دي غلطتى
واتكلمتْ لما السكات جواها مات
لحظة حقيقة بتتولد تخنق وريد الاغنيات
صورة حبيبها اللي انتحر ،
فوق الورق ..احساس.. ومات
كان يوم خميس ولا تلات
يا قلب قصر من سكات
قدري اللي عشته ...والساعات
بتفوت وأنا متشوقة لبكرة اللي فات
لحظة سكوت
والعنكبوت عشش ف قلب الليل
ودوبنى أنين الامنيات
واتكلمتْ ....
لما هوى نبض الهوى
لما اشتكى منها وبكى
اتبعترتْ دمعة وآهات
صحت انين الذكريات
والعنكبوت راحل ف أحلام البنات ..!
واتكلمت ،والخوف سيوف
فوق رقابي الناس يطوف
يخنق الصوت اللي طرحه من سكات
لا هوا قادر ع البكى
ولا هوا قادر ع الاهات
واللي ما يسمع راح يشوف
من غير ملامة أو كسوف
راح تبتدى تحكي الحكاية من جديد
لما الأمل جواها كان لسة وليد
والغلطة كانت..
انها عشقت سحابة من جليد !!!

الشعب مات ...

لما اتخنق فيه الضمير

ونسى معالم سكته

ما فضلش غير حبة بلاهة في ضحكته

ونكت حزينة ، بطعم علقم دنيته

الشعب مات .. والقطر فات ...

والحلم ع السكة انتحر ..

وعشقت يا بحر ... السكات

ومليت قلوبنا بالآهات

وما عدش في الضلمة قمر

بينى وبينك سد وحيطة بتعلى

وتكبر يوم ورا يوم

تخنق فيا بكرة وامس

ازعق ، اصرخ لجل ما اشوف بعنيه الشمس

تضيع الصرخة فِ توهة وحيرة

ودايرة مريرة ، فى ارض مليها خوف وهموم..

وارجع تانى ادور يمكن القى جوه الدايرة نجوم..

تنور حلمى الضايع منى ،

بس باشوف فِ السكة غيوم

بارجع فاضية واحساس مية !

لا طعم..لاريحة..لا نبض..لا