ليه أخاف…
كتبهامنال درويش ، في 20 يوليو 2009 الساعة: 13:47 م
ليه بأخاف ….؟
ليه بأخاف؟
الحرف يخنق دمعتي
والكلمة يطحنها السكوت ؟
والآهة يبلعها الأنين
والحزن يطويها …يفوت ؟
ليه بأخاف ؟
الضى يتلون بخوف
والشرخ يوسع ف الضمير
وأنا من سكات عاشقة
وقلبي ليك أسير ..
طب ليه أخاف ؟
وأنا كل ذنبي إني أنا !!
و أنت البريء !!
وأنا كل ذنبي إني هنا !!
وأنك مسافر ع الطريق !!
يمكن بأخاف !!
ان اللي يبقى من ضميرك
شيء من الحلم الجميل
أو لمحة من لحظة غروب
أو توهه محتاجة لدليل !!
يمكن بأخاف ؟
إن اللي بينا كان سراب
أو كهل يحلم بالشباب !!
أو فكرة كانت مستحيل
أو نور يعاند في الضباب !!
يمكن بأخاف ؟
بكرة اللي عاشك من سنين
حلم وحنين
وشوق يزيد جوه العيون المشتاقين
خايف لا يرجع للاسى فِ لحظة أنين
يمكن بأخاف ؟
تضيع من القلب الحياة
وأنت الحياة لو قلبي تاه
وأنت ضميري ومنتهاه
كل المشاعر خدتها
لو خنتها ….فين الحياة ؟!!
عرفت ليه لازم أخاف ؟!!!
ـــــــــــــــــــــــــــــــــــــــــــــــــــــــــ
التصنيفات : شعر عامية.. | أرسل الإدراج | دوّن الإدراج
يوليو 20th, 2009 at 20 يوليو 2009 1:49 م
رائع .كلمات بسيطة و رقيقة .
يوليو 22nd, 2009 at 22 يوليو 2009 7:53 ص
عبير الورد،
تحياتى
واشكرك على رايك ومرورك من هنا
يوليو 26th, 2009 at 26 يوليو 2009 11:47 ص
يمكن بأخاف ؟
إن اللي بينا كان سراب
أو كهل يحلم بالشباب !!
أو فكرة كانت مستحيل
أو نور يعاند في الضباب !!
يمكن بأخاف ؟
بكرة اللي عاشك من سنين
حلم وحنين
وشوق يزيد جوه العيون المشتاقين
خايف لا يرجع للاسى فِ لحظة أنين
//////////////////////////////
منال
بجد مش ممكن !!!!!!!!
رااااااااااائعه
كلمات واسلوب واحساس
تقبلى تحياتى
اكرم
يوليو 28th, 2009 at 28 يوليو 2009 11:27 ص
أخى أكرم ،
خالص تقديري واحترامي لمرورك من هنا
واتمنى ان تصل كلماتى الى الجميع كما خرجت من قلبي بمنتهى الصدق ، تقبل تحياتى
ديسمبر 21st, 2009 at 21 ديسمبر 2009 1:02 م
الله …