المزيد

المزيد

وسع يابنى ح اكتب لزمة

فِ قصيدة عن بوش والجزمة

عن راجل من ضهر رجولة

علمنا النخوة فِ بطولة

وما خافش الاسلحة والسلطة

ولا فكرش ينط النطة ،

يخطف بيها ورك البطة ،

يسرق حلم الناس والضعفا

ولا يشارك بعض الزعما ،

لجل ما ياخد حتة تورتة

كان همه ازاي يعلن رفضه

ويودع اللى خطف أرضه

بالجزمة اللي تليق بسيادته

فردة ورا التانية وبسرعة

الله يابنى على دي فكرة

جزمة تودع فردة جزمة

المزيد

أنا نبتة في حضن النيل

رواني بالهنا كله ..

وعشت العمر اقول مواويل

ف نخلي العالي وفي ضله ….

 

انا همسة ف قلب لليل

بتخطر بالحنين مرة

تداوي جرح قلب عليل

تدوب الاهة لو مرة

 

وعنواني عيون الناس

المزيد

الا الحبيب المصطفى ..

رمز الوفا والخير لكل العالمين

يخرس لسان العولمة ، واللملمة

والحرب بين دنيا ودين

نصحى نفوق من جهلنا

وننادي فوقوا يا مسلمين

مبقاش خلاص وقت لدموع

الشدة محتاجة الايدين

تفتح لنا طاقة نهار

ونحسها جوه العنين .

الا الحبيب المصطفى

الصبر ولى وانتهى

والجبن فارق دا الجبين

ماعدش غير قلب الجفا

مفتوح لكل المشركين

ازاي يسبوك يا النبي

وانت رمز المسلمين

النور طريقك والهدى

نهجك .برغم الحاقدين

الحرب بدات والطريق من أوله

ما نقولش قدامنا سنين

الا الحبيب المصطفى ..

باسم السلام .. خنقوا الحمام

داسوا علينا كالنعام

من غير نفس ،، من غير كلام

والسر ايه ،؟!!

 ماضيين معاهدة فى السلام

باعوا فينا واشتروا

بالزور ,واكل الحق ،

واحنا ما بنقبل حرام!

المزيد

المزيد

جدار بينى وبين بكرة وسد منيع

وتوهة تلف جوايا وقلب يضيع

ونقطة حبرمخنوقة وحلم صريع

فِ لحظة صدق باتأمل كلام في الشعر انا قلته

على بلدي اللي عمري ما ابيع

وياما كتبت فِ هواها كتير مواضيع!!

الف في دايرة طوالي وابكي الناس واحوالى

تنزل دمعتى انهار

اقول يمكن الاقى نهار

يضيع منى الطريق وانهار

ارجع تاني بالمشوار .. عزيمة قلبي مجروحة

ترفرف روحي عايزة تطير ..

تلاقى السكة مدبوحة !!

اخاف منك واخاف ليكِ واخاف فيكِ

تموت الضحكة فِ عنيكِي

واحسك وسط احزانك كسجن كبير  

بيقتل فيا بكرة وبعده وامبارح

واحاول انى اتصارح معاكِ وأقول

انا العاشق فِ دنيا هواكِ وانا المقتول

وانا الدايب في اوجاعك وانا المسئول

وبايديا رميت قلبك لاحضان الكلاب والغول

وفجاءة لاقتنى باتفرج،،

المزيد

المزيد

بينى وبينك سد وحيطة بتعلى

 وتكبر يوم ورا يوم

تخنق فيا بكرة وامس

ازعق ، اصرخ لجل ما اشوف بعنيه الشمس

تضيع الصرخة فِ توهة وحيرة

ودايرة مريرة ، فى ارض مليها خوف وهموم..

وارجع تانى ادور يمكن القى جوه الدايرة نجوم..

تنور حلمى الضايع منى ،

بس باشوف فِ السكة غيوم

بارجع فاضية واحساس مية !

لا طعم..لاريحة..لا نبض..لا لون!

اكتم همى واخنق المي

تتعذب جوايا النفس

تصرخ ..تبكي ..تقطع قلبي

اضمها حضنى بشوق وبهمس

يمكن ترضى ! جايز تنسى!!

بس بتيجي معايا بالعكس

بينى وبينك سد وحيطة

وبركة غويطة ..تزرع وجعى فترويه يأس

احصد بعد دا كله الام وخطر يدمى جروح النفس ..

المزيد

ليه جوايا زرعت  الأه

وبنيت سد ما بيني وبينك ،

حفرت لحلمك قبر ،،

دفنت سنينك!!

 في حشايا راعيتك وأنت جنيني

 ورويتك من شراييني

 وحلفت بروحي لاخد بيدك

وسط التوهة ووسط العتمة

لجل ما تبقي نبتة عافية

 لجلن ما أتباهى بيك

 ف الروحة أو ف الجاية

  نفتح شبابيكنا علي بكرة الجاي

 ونلملم م السكة أحلامنا الضيعة ..

نلقي الضي فارد جنحاته

ينور حلمي وحلمك شمعة

 لجلن ما يطير بينا لفوق،

 وسط العتمة

لجل ما نطرح

 منها شروق تجف على ايديه الدمعة

 ..ليه …؟

 ليه تقطع ف القلب وريدي

 وأنا دمي بيجري ف شرايينك

 وأنا يوم ما زرعتك كان  يوم عيدي

يوم ما نادتني وقلت يا أمي

صاين عرضك عمري ما أخون

طالب ودك مهما يكون

و أنا تاج الفل علي جبينك

وازاي راح أهون؟؟؟؟!!!

ليه جوايا حفرت الاه ؟!

يا حلم وضاع وأنا باستناه

المزيد