عابر سبيل ،،
سال السؤال ،، و اترد له تاني
ازاي تكون شمس الربيع ،،
وتضيع ف أحزاني؟!!
أزاي تكون نهر الوفا ،،
وتعيش لي وحداني ؟!!
ازاي تكون نبع الصفا ،،
وتقول لي إنساني ؟!!
قلبك دهب
شاف العجب
ح يعود ويلقاني
مهما الغروب ، دوب قلوب
السكة عرفاني
النور طريقي ودنيتي
والشمس عنواني …!!
عابر سبيل ،،
شايل ما بين كفك حنين
جايز يكون النور ضنين !!
جايز يكون الحلم اكبر م السنين
جايز يكون المنتهي ،،محتاج ايدين!!
لكنها دنيـــــــا …!!
عاشقة عيون السهرانين
دايبة ف دموع الحيرانين !
يمكن وسرقاني …!!
لكنها دنيـــــــا
